پاکستان ئێوارەی ئەمڕۆ سێشەممە ئاشكرای كرد، وڵاتەکەی هێشتا چاوەڕێی وەڵامێکی فەرمیی ئێرانە سەبارەت بە ناردنی شاند و بەشداریکردنیان لە گەڕی دووەمی دانوستانەكان لەگەڵ ئەمریکا.
عەتائوڵا تارار وەزیری راگەیاندنی پاكستان لە پۆستێکدا لە تۆڕی کۆمەڵایەتی "ئێکس" ئاماژەی بەوە کردووە: تا ئێستا وەڵامی فەرمی لایەنی ئێرانیان بۆ پشتڕاستکردنەوەی لە بەشداریكردنی شاندەکەیان لە دانوستانەكانی ئاشتی لە ئیسلام ئاباد پێ نەگەیشتووە.
هەروەها جەختی لەوە کردەوە کە بڕیاری کۆتایی لای ئێرانە لەم کاتە هەستیار و یەکلاکەرەوەیە، بەتایبەت کە وادەی ئەو ئاگربەستەی دوو هەفتە لەمەوبەر لەنێوان لایەنە شەڕکەرەکاندا واژۆ کرابوو، خەریکە کۆتایی دێت.
ئەم هەوڵە دیپلۆماسییەی پاکستان لەکاتێکدایە کە ناوچەکە لەژێر گرژییەکی توندایە و ئیسلام ئاباد هەوڵ دەدات وەک نێوەندگیرێک ڕێگری لە پەرەسەندنی زیاتری ململانێکان بکات.
کۆمێنت (0)
تا ئێستا هیچ کۆمێنتێک نەکراوە.