بەرپرسێکی باڵای ئێران، وەڵامی هەڕەشەکانی دۆناڵد ترەمپ، سەرۆکی ئەمریکا دەداتەوە سەبارەت بە گەمارۆدانی گەرووی هورمز و ڕایدەگەیەنێت کە ئەو قسانە تەنیا ئاواتن.
ئیبراهیم عەزیزی سەرۆکی لیژنەی ئاسایشی نیشتمانی و سیاسەتی دەرەوە لە پەرلەمانی ئێران، لە لێدوانێکدا ئاماژەی بەوە کرد کە داواکارییەکانی ترەمپ بۆ کۆنترۆڵکردنی گەرووی هورمز ناواقیعیین و گوتی: ئەو باس لە ئاوات و خۆزگەکانی خۆی دەکات ئەو داواکارییانەی ئەو باسیان دەکات هەرگیز لە ڕابردوودا بەدی نەهاتوون و لە داهاتووشدا هەرگیز نایەنە دی.
ئەم لێدوانەی بەرپرسەکەی پەرلەمانی ئێران وەک کاردانەوەیەکی ڕاستەوخۆ دێت بۆ قسەکانی دۆناڵد ترەمپ، کە ڕایگەیاندبوو هێزی دەریایی وڵاتەکەی دەست دەکات بە گەمارۆدانی گەرووی هورمز بە مەبەستی ڕێگریکردن لە ئێران بۆ سوودوەرگرتن لەو ڕێڕەوە ئاوییە ستراتیژییە دوای شکستی دانوستانە ئەتۆمییەکان.
کۆمێنت (0)
تا ئێستا هیچ کۆمێنتێک نەکراوە.