ئەمشەو پێنجشەممە لە ئەنجامی كەوتنەوەی رووداوێكی هاتوچۆ لە گەلی عەلی بەگ، ئافرەتێكی خەڵكی شاری هەولێر گیانی لەدەست دا و 5 كەسی دیكەش بریندار بوون.
لێزان ژیار پەیامنێری (كوردستان تیڤی) لە سۆران پێی راگەیاندین: ئەمشەو پێنجشەممە رووداوێكی سەختی ھاتوچۆ لە جۆری پێكدادان لەنێوان ئۆتۆمبێلی جۆری نیسان پاتڕۆڵ و تۆیۆتا کڕۆڵا لە ڕێگەی سۆران-خەلیفان لەناو گەلی عەلی بەگ ڕووی دا.
راشیگەیاند: لە ئەنجامی ڕووداوەکە کەسێک گیانی لەدەست دا و 5 کەسی دیكە بریندار بوون.
سەبارەت بە ناسنامەی ئەو كەسەی گیانی لەدەستداوە، سەرچاوەیەك لە نەخۆشخانەی ئاشتی لە سۆران پێی راگەیاندین: ئافرەتێك بەناوی بێریڤان ئیسماعیل تەمەن 34 ساڵ دانیشتووی هەولێر گیانی لەدەستداوە.
کۆمێنت (0)
تا ئێستا هیچ کۆمێنتێک نەکراوە.