ژووری بازرگانی نێودەوڵەتی (ICC) مەترسی خۆی نیشان دەدات لەوەی شەڕ و ئاڵۆزییەکانی ڕۆژهەڵاتی ناوەڕاست ببێتە هۆی دروستبوونی "خراپترین قەیرانی پیشەسازی لە یادەوەری مرۆڤایەتیدا".
بەپێی ڕاگەیەندراوێکی ئەو ڕێکخراوە، پەرەسەندنی ململانێکان لە ناوچەی ڕۆژهەڵاتی ناوەڕاست مەترسییەکی ڕاستەوخۆن بۆ سەر هێڵەکانی دابینکردنی وزە و کەرەستەی خاو، ئەمەش دەبێتە هۆی پەکخستنی ژێرخانی پیشەسازی لە سەرانسەری جیهاندا.
ژووری بازرگانی نێودەوڵەتی ئاماژە بەوە دەکات کە ئەم دۆخە کاریگەرییەکی وێرانکەری لەسەر بازرگانی نێودەوڵەتی دەبێت و دەبێتە هۆی بەرزبوونەوەی بێوێنەی تێچووی بەرهەمهێنان کە ئەوەش لە کۆتاییدا بارگرانییەکی گەورە بۆ ئابووری جیهان دروست دەکات.
ئەم هۆشدارییە لە کاتێکدایە کە گرژییەکانی ناوچەکە بەردەوام لە زیادبووندان و کاریگەرییەکی بەرچاویان لەسەر ڕێڕەوە ئاوییەکان و گواستنەوەی بازرگانی نێودەوڵەتی دروست کردووە.
کۆمێنت (0)
تا ئێستا هیچ کۆمێنتێک نەکراوە.