قایمقامی قەزای سیدەکان ئەمڕۆ کۆبوونەوەیەکی ئەنجام دا و چەند بڕیارێکی تایبەت بە مانگی ڕەمەزانی پیڕۆز دەرکرا.
ئەمڕۆ سێشەممە 17ـی شوبات، لیژنەی ئابووری و چاودێری بازاڕ لە دیوانی قایمقامیەتی قەزای سیدەکان کۆبوونەوەیەکی ئەنجامدا و مەبەست لەم کۆبوونەوەیە چاودێری نرخی بازار بوو بەبۆنەی هاتنی مانگی پیرۆزی ڕەمەزان.
قایمقامی قەزای سیدەکان ڕایگەیاند: پێویستە زیاتر چاودێری نرخ و کەلوپەلەکان بکرێت وە دەبێت گشت خاوەن دووکان و مارکێتەکان پابەندی ئەم رێنمایانەی خوارەوە بن
١- هەبوونی شیرینی بێ لۆگۆ و بێ ناونیشان و بێ سەرداپۆشین قەدەغەیە.
٢- هەبوونی شەربەتەکان بەبێ لۆگۆ و ناونیشان یاخود بەرتیشکی خۆر بکەوێت رێگە پێدراو نیە.
٣- نابێت هیچ بازرگانێک یاخود دوکاندارێک قۆرخکاری بکات لە کاتی بوونی هەر قۆرخکاریەک بسەلمێندرێت ئەوە رووبەرووی دادگا دەبێتەوە.
٤- گرانبوونی هەر کەلوپەلێک لەبەر هەبوونی خواستی زۆر لە مانگی پیرۆزی ڕەمەزان لەلایەن فرۆشیارەکانەوە ئەوە ڕوبەرووی رێکاری یاسای دەکرێنەوە
کۆمێنت (0)
تا ئێستا هیچ کۆمێنتێک نەکراوە.