وەزارەتی خوێندنی باڵا زەمالەی خوێندنی ماستەر و دكتۆرای لە وڵاتی توركیا راگەیاند

وەزارەتی خوێندنی باڵا و توێژینەوەی زانستی ئەمڕۆ یەكشەممە چەندین زەمالەی خوێندنی ماستەر و دكتۆرای لە وڵاتی توركیا راگەیاند.

وەزارەتەكە لە راگەیەنراوەكەدا بڵاوی كردەوە: مامۆستایان و فەرمانبەران و هاووڵاتییانى هەرێمى کوردستان ئاگادار دەکەینەوە کە وڵاتى تورکیا زەمالەی خوێندن بۆ بەرنامەی (ماستەر و دکتۆرا) رادەگەیەنێت.

بڵاوی دەكاتەوە: هەر کەسێک مەرجی وەرگرتنی بەرجەستە بێت و ئارەزووی خوێندنی لە زانکۆکانی وڵاتی تورکیا هەبێت، بە لەبەرچاوگرتنی چەند تێبینییەك، دەتوانێت داواکارى پێشکەش بکات.

كاتی پێشكەشكردنەكە رێكەوتی 10/1/2026 دەست پێ دەكات و لە رێكەوتی 10/2/2026 كۆتایی دێت.

وەزارەتی خوێندنی باڵا هەروەها بۆ وەرگرتن لە خوێندنی ماستەر و دکتۆرا لە وڵاتی توركیا چەندین مەرج و تێبینی دیاری كردووە كە لە ماڵپەڕی وەزارەتەكەدا لە تۆڕی كۆمەڵایەتی (فەیسبووك) دیاریكراوە.