کەشناسی: پلەی گەرما کەمێک بەرز دەبێتەوە

بەڕێوەبەرایەتیی گشتی کەشناسی و بوومەلەرزەزانی هەرێم، پێشبینییەکانی کەشوهەوای بۆ 48 کاتژمێری داهاتووی بڵاوکردەوە و ڕایگەیاند کە ئاسمان بە گشتی جێگیر دەبێت و پلەی گەرما ڕوو لە بەرزبوونەوەی کەم دەکات.

ڕۆژی سێشەممە، 6ـی کانوونی دووەم، بەرێوبەرایەتیی کەشناسی و بومەلەرزەزانی ڕایگەیاند: ئاسمانی هەرێم بە گشتی ساماڵ و پەڵە هەور دەبێت، لە ناوچە شاخاوییەکانیش نیمچە هەور دەبێت. خێرایی با لەسەرخۆ دەبێت و لە نێوان 5 بۆ 10 کم/ک دەبێت بە ئاراستەی باکووری ڕۆژهەڵات، پلەی گەرما 1 بۆ 2 پلە بەرزدەبێتەوە.

بەرزترین پلەی گەرمای شارەکان بۆ ئەمڕۆ:

هەولێر: 16 پلەی سیلیزی

سلێمانی: 15 پلەی سیلیزی

دهۆک: 15 پلەی سیلیزی

چەمچەماڵ: 16 پلەی سیلیزی

پیرمام: 14 پلەی سیلیزی

سۆران: 14 پلەی سیلیزی

ئاکرێ: 14 پلەی سیلیزی

زاخۆ: 15 پلەی سیلیزی

حاجی ئۆمەران: 5 پلەی سیلیزی

بۆ سبەی ڕۆژی چوارشەممە، 7ـی کانوونی دووەم، ئاسمان بە هەمان شێوەی ئەمڕۆ ساماڵ و پەڵە هەور دەبێت و لە ناوچە شاخاوییەکان نیمچە هەور دەبێت. خێرایی با بە 5 بۆ 10 کم/ک دەمێنێتەوە و مەودای بینین کەمێک کەم دەبێتەوە بۆ 8 بۆ 9 کم. پلەکانی گەرما بە جێگیری دەمێننەوە و لە هەندێک ناوچە کەمێک بەرزتر دەبنەوە.

بەرزترین پلەی گەرمای پێشبینیکراو بۆ سبەی:

هەولێر: 16 پلەی سیلیزی

سلێمانی: 15 پلەی سیلیزی

دهۆک: 16 پلەی سیلیزی

چەمچەماڵ: 15 پلەی سیلیزی

زاخۆ: 14 پلەی سیلیزی

هەڵەبجە: 14 پلەی سیلیزی