ئەنتۆنیۆ گۆتێرێس سكرتێری گشتیی نەتەوە یەكگرتووەكان ئهمرۆ شەممە گهیشته عێراق و شانازی خۆی بە هاوكارییە بەردەوامەكانی لەگەڵ عێراق دەربڕی.
وهزارهتی دهرهوهی عێراق له بهیاننامهیهكدا بڵاویكردووهتهوه: فوئاد حوسێن جێگری سەرۆك وەزیران و وەزیری دەرەوەی عێراق لە كاتی گەیشتنی بە فڕۆكەخانەی نێودەوڵەتی بەغدا پێشوازی لە ئەنتۆنیۆ گۆتێرێس ئەمینداری گشتیی نەتەوە یەكگرتووەكان كرد.
لە بەیاننامەكەی وهزارهتی دهرهوهی عێراقدا هاتووه: ئەم سەردانە هاوكات بووە لەگەڵ راگەیاندنی كۆتایی هاتنی ئەركی نێردەی هاوكاری نەتەوە یەكگرتووەكان بۆ عێراق (یونامی)، دوای چەندین ساڵ لە جێبەجێكردنی ئەركەكەی لە پاڵپشتیكردنی پرۆسەی سیاسی و بەرەوپێشبردنی سەقامگیری له عێراقدا.
لەمیانی دیدارەكەدا فوئاد حوسێن وەزیری دەرەوەی عێراق جەختی لە پێزانینی حكوومەتی عێراق كردەوە بۆ ڕۆڵی گرنگی نەتەوە یەكگرتووەكان و یۆنامی لە پاڵپشتیكردنی عێراق لە قۆناغەكانی رابردوودا.
ئاماژەی بەوەشكرد، كۆتایی هاتنی كارەكانی یۆنامی گوزارشتە لەو پێشكەوتن وسەقامگیرییەی كه عێراق بەدەستی هێناوه.
هەروەها توانای عێراق لەبەڕێوەبردنی كاروباری نیشتمانی و بەهێزكردنی سەروەری و دامەزراوە دە ستورییەكانی .
لای خۆیەوە ئهنتۆنیۆ گۆتێرێس سكرتێری گشتیی نەتەوە یەكگرتووەكان شانازیی خۆی بە هاریكاریی هەنووكەیی لەگەڵ عێراق دەربڕی و جەختیكردەوە كه ئهركهكانمان له عێراق له ئێستادا كۆتایی هات، بهڵام پاڵپشتی بەردەوامی نهتهوه یهكگرتووهكان بۆ عێراق لە ڕێگەی جیاواز و تازهوه كە گونجاو بێت بۆ قۆناغی داهاتوو بهردهوام دهبێت.
کۆمێنت (0)
تا ئێستا هیچ کۆمێنتێک نەکراوە.