وەزارەتی دارایی و ئابووریی حکومەتی هەرێمی کوردستان ڕایگەیاند، ئەمڕۆ لیستی مووچەی مانگی 11ی فەرمانبەران و مووچەخۆرانیان ڕادەستی وەزارەتی دارایی عێراق کردووە.
بەگوێرەی ڕاگەیەندراوێکی وەزارەتی دارایی و ئابووری، ئەمڕۆ یەکشەممە، 7ی کانوونی یەکەمی 2025، لە شاری بەغدا تیمی تەکنیکیی ئەم وەزارەتە، لیستی مووچەی مانگی تشرینی دووەمی سەرجەم فەرمانبەران و مووچەخۆرانی هەرێمی کوردستانیان ڕادەستی فەرمانگەی ژمێریاریی سەر بە وەزارەتی دارایی حکومەتی فیدراڵ کرد.
ناردنی ئەم لیستە وەک بەشێکە لە ڕێکارە کارگێڕی و داراییەکان بۆ ئەوەی لەلایەن بەغداوە وردبینیی تێدا بکرێت و پاشان پارەی پێویست بۆ دابەشکردنی مووچەی مانگی تشرینی دووەم ڕەوانەی هەرێمی کوردستان بکرێت.
کۆمێنت (0)
تا ئێستا هیچ کۆمێنتێک نەکراوە.