بەرێوەبەرایەتی کەشناسیی و بومەلەرزەزانی هەرێمی کوردستان پێشبینی 48 کاتژمێری داهاتووی خستەروو دەڵێت باران بارین لە پچڕ پچڕەوە دەگۆڕێت بۆ بارانی مامناوەندی بەردەوام.
ڕۆژی یەکشەممە،7ـی کانونی یەکەم، بەرێوەبەرایەتی کەشناسیی و بومەلەرزەزانی هەرێمی کوردستان ڕایگەیاند: کەشی ناوچەکەمان بەگشتی هەور و باران بارین و زیادبوونی خێرای با و نزم بوونەوەی پلەکانی گەرما دەبێت. سەرەتا لە سنووری پارێزگای دهۆک و ناوچە شاخاوییەکان دەبارێت، لە کاتەکانی نیوەڕۆ و دوای نیوەڕۆ درێژ دەبێتەوە بۆ سەرجەم ناوچە جیاجیاکانی هەرێم، ئاستی دابارین بەشێوەی بارانی پچڕ پچڕ و مامناوەند دەبێت.
پلەی گەرمای پێشبینیکراوی ئەمڕۆ کەمێک نزم دەبێتەوە بۆ 1-2 پلەی سیلیزی بەراورد بە تۆمارکراوەکانی دوێنێ.
کەشناسیی پێشبینیدەکات، ڕۆژی دووشەممە، 8ـی کانونی دووەم، کەشوهەوا لە ئەنجامی زیادبوونی کاریگەری شەپۆلی باران بارین و نزمە پاڵەپەستۆی دەریای ناوەڕاست و دەریای سوور و قووڵ بوونەوەی نا جێگیری لە کەش لە ناوچەکەدا، شێوازی باران بارین لە پچڕ پچڕەوە دەگۆڕێت بۆ بارانی مامناوەندی بەردەوام و لە هەندێ کات و ناوچە بۆ لێزمە باران لەگەڵ زیادبوونی خێرای با لە هەندی کات.
بەرێوەبەرایەتی کەشناسیی و بومەلەرزەزانی هەرێم ڕاشیگەیاند: بۆ ڕۆژی دووشەممە، پلەی گەرما نزم دەبێتەوە بۆ 4-6 پلە لە ناوچە شاخاوییەکان و بۆ 6-8 پلەی سیلیزی بەراورد بە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر: 17 پلەی سیلیزی
سلێمانی: 16 پلەی سیلیزی
دهۆک: 15 پلەی سیلیزی
زاخۆ: 16 پلەی سیلیزی
کەرکووک: 18 پلەی سیلیزی
هەڵەبجە : 17 پلەی سیلیزی
سۆران: 13 پلەی سیلیزی
ئاکرێ: 15 پلەی سیلیزی
ئامێدی: 10 پلەی سیلیزی
گەرمیان: 18 پلەی سیلیزی
کۆمێنت (0)
تا ئێستا هیچ کۆمێنتێک نەکراوە.