هەولێر: ئامادەكارییەكانی ڕووبەڕووبوونەوەی كۆبوونەوەی ئاوی زیادە و مەترسیی لافاو

وەزارەتی شارەوانی و گەشتوگوزار ڕایگەیاند لە هەولێر بە مەبەستی ڕووبەڕووبوونەوەی كۆبوونەوەی ئاوی زیادە و مەترسیی لافاو چەند ئامادەکارییەک کرا.

ڕۆژی یەکشەممە، 7ـی کانونی یەکەم، وەزارەتی شارەوانی و گەشتوگوزار، ڕایگەیاند: چەند ئامادەكارییەکی تیمەكانی سەرۆكایەتیی شارەوانیی هەولێر و بەڕێوەبەرایەتیی ئاوەڕۆی هەولێر و فەرمانگە خزمەتگوزارییەكانی شارەكە بەمەبەستی ڕووبەڕووبوونەوەی كۆبوونەوەی ئاوی زیادە و ڕێگریكردن لە مەترسیی لافاو ئەنجام درا.

لە ڕاگەیاندراوەکەدا هاتووە: لە هەڵمەتێكی تردا تۆڕەكانی ئاوەڕۆ و چاڵی شكنین و چاڵی وەرگرتنی ئاو لەم گەڕەكانەی شاری هەولێر خاوێنكرانەوە:-

1-شەقامی 100 مەتری.

2-جووتسایدی شەقڵاوە.

3-گەڕەكی ئاری.

4-گەڕەكی ژیان.

5-گەڕەكی هەڤاڵان.

6-گەڕەكی باداوە.

7-گەڕەكی سەروەران.

8-گەڕەكی قەتەوی.

9- بەحرکە

10- شوقەکانی هانا ستی

11- بەرزەپردی شەقامی 100 مەتری

12- نەورۆز

13- کوردستان

14- رێگەی مەخمور

وەزارەتی شارەوانی و گەشتوگوزار باسی لەوەش کرد: هەڵمەتی خاوێنكردنەوەی ئاوەڕۆكان و كەندە سرووشتییەكان چەند ڕۆژێكە دەستیپێكردووە و بەردەوام دەبێت.