دوای ئەوەی چەند رۆژێك پێش ئێستا بەهۆی قەرەباڵغییەوە گۆڕانكاری لە دەوامی بنكەكانی پشكنینی ئۆتۆمبێل كرابوو، بەڕێوەبەرایەتی هاتوچۆی هەولێر ئەمڕۆ یەكشەممە دووبارە گۆڕانكاری لە دەوامەكان كردەوە.
بەڕێوەبەرایەتی هاتوچۆی هەولێر رایگەیاند: بەهۆی قەرەباڵغییەوە لە ڕێکەوتی 15/9/2025 گۆڕانکاری بەسەر دەوامی بنکەکانی پشکنینی ئۆتۆمبێل كرابوو.
راشیگەیاند: بەهۆی نەمانی ئەو قەرەباڵغی و لۆدە زۆرە، لەمەودوا دەوامی بنکەکانی پشکنین ئاسایی دەبێتەوە و دەوامەكان بەمشێوەی خوارەوەی لێ دێت:-
پشکنینی ئۆتۆمبێلی ژمارە کاتی (سفر کیلۆمەتر و ئۆتۆمبێلی ژمارەکراو) لە هەرسێ بنکەکانی کەسنەزان گوێر و 32ی پارک بەیانیان ئەنجام دەدرێت.
پشکنینی ئۆتۆمبێلی ژمارە کاتی بەکارهاتوو تەنها لە بنکەی 32ی پارک بەیانیان ئەنجام دەدرێت و دەوامی دوای نیوەڕۆیان نامێنێت.
بەڕێوەبەرایەتی هاتوچۆی هەولێر ئاماژەی بەوەش دا كە بڕیارەكە لە ئەمڕۆ یەكشەممە ڕێکەوتی 30/11/2025 دەکەوێتە بواری جێبەجێکردنەوە.
کۆمێنت (0)
تا ئێستا هیچ کۆمێنتێک نەکراوە.