وەزارەتی ناوخۆی عێراق ئاشكرای كرد كە توانیویانە لە رێگەی ئۆپەراسیۆنێكدا لەناو خاكی سووریا دوو بازرگانی نێودەوڵەتی ماددەی هۆشبەر دەستگیر بكەن.
وەزارەتی ناوخۆی عێراق ئەمڕۆ یەكشەممە لە راگەیەنراوێكدا بڵاوی كردەوە: بەڕێوەبەرایەتی گشتی كاروباری ماددە هۆشبەر و كارتێكەرە عەقلییەكان بە هەماهەنگی لەگەڵ دەزگای نەهێشتنی ماددەی هۆشبەری سووریا، لە ئۆپەڕاسیۆنێكدا توانرا دوو بازرگانی ماددەی هۆشبەر لەناو خاكی سووریا دەستگیر بكرێت.
بڵاویشی كردەوە: لە ئۆپڕاسیۆنەكەدا بڕی 57 كیلۆگرام ماددەی هۆشبەریش لە جۆری حەشیش دەستی بەسەردا گیرا كە بازرگانەكان بەنیازبوون بیهێننە ناو خاكێ عێراقەوە.
کۆمێنت (0)
تا ئێستا هیچ کۆمێنتێک نەکراوە.