کارکردن لە سایلۆی هەڵەبجە کە یەکێکە لە پرۆژە ستراتیجییەکانی کابینەی نۆیەم بۆ پارێزگای هەڵەبجە بەردەوامە و بەرپرسانی پرۆژەکەش ڕایدەگەیەنن کە زۆربەی کارەکانیان تەواو کردووە.
کاوە حیکمەت، سەرپەرشتیاری پرۆژەی سایلۆی هەڵەبجە ڕایگەیاند: "کارەکان بە شێوەیەکی باش بەڕێوەدەچن و تا ئێستا 80٪ی پرۆژەکە جێبەجێ کراوە، پێشبینیش دەکرێت ساڵی داهاتوو بە تەواوی بکەوێتە کار."
پرۆژەکە لەلایەن وەزارەتی بازرگانی و پیشەسازییەوە جێبەجێ دەکرێت بە گوژمەی 27 ملیار و 500 ملیۆن دینار. ئەم سایلۆیە توانای هەڵگرتنی 40 هەزار تۆن دانەوێڵەی هەیە.
ئەم سایلۆیە لە 10 کۆگای عەمبار پێکهاتووە و هەر عەمبارێک بە ڕووبەری 1200 مەتر دروست کراوە.
تەواوبوونی ئەم سایلۆیە دەبێتە پاڵپشتییەکی گەورە بۆ کەرتی کشتوکاڵ لە ناوچەکە و جوتیارانی هەڵەبجە، شارەزوور و گەرمیان دەتوانن بۆ ساغکردنەوە و عەمبارکردنی دانەوێڵەکانیان سوودی لێ وەربگرن.
کۆمێنت (0)
تا ئێستا هیچ کۆمێنتێک نەکراوە.