ئەمڕۆ چوارشەممە لە وڵاتی گینیا بیساو لە كیشوەری ئەفریقیا لەلایەن سوپاوە كودەتا كرا و سەرۆك و ژمارەیەك لە وەزیران دەستگیركران.
كودەتاكە سەرلەبەیانی ئەمڕۆ چوارشەممە لەلایەن سوپای پیادەی گینیا بیساو ئەنجامدرا و دەستبەسەر باڵەخانەی سەرۆكایەتی و میدیای فەرمی وڵاتەكەدا گیرا.
عەمرو سیسۆكۆ ئیمبالۆ سەرۆكی گینیا بیساو رایگەیاندبوو كە بەیانی ئەمڕۆ لە كاتی دەوامی ئاسایی خۆیدا لە نووسینگەی كۆشكی سەرۆكایەتی لەلایەن سوپاوە دەستگیركراوە.
دوای دەستگیركردنی سەرۆك، سەرۆك و جێگری ئەركانی سوپا و وەزیری ناوخۆش لەلایەن سوپاوە دەستگیركران.
كودەتاكە بەهۆی ئاشكراكردنی ئەنجامە سەرەتاییەكانی هەڵبژاردنی سەرۆكایەتی گینیا بیساو بوو كە تێیدا ئەوە راگەیەنرابوو كە عەمرو سیسۆكۆ ئیمبالۆ 65%ی دەنگەكانی بەدەستهێناوە.
کۆمێنت (0)
تا ئێستا هیچ کۆمێنتێک نەکراوە.