بەڕێوەبەرایەتیی هاتوچۆی هەولێر شۆفێران ئاگادار دەکاتەوە کە خێرایی ڕێگەپێدراو لە ڕێگای سێبیران لە 60 کیلۆمەترەوە بۆ 80 کیلۆمەتر لە کاتژمێرێکدا بەرز کراوەتەوە و بڕیارەکە لە ئێوارەی ئەمڕۆوە جێبەجێ دەکرێت.
بەڕێوەبەرایەتیی هاتوچۆی هەولێر لە ڕاگەیاندراوێکدا شۆفێرانی شاری هەولێری ئاگادار کردەوە، کە بڕیار دراوە بە دەستکاریکردنی خێرایی ڕێگەپێدراو لە ڕێگای سێبیران (لە شەقامی 100 مەترییەوە تا فەرماندەیی زێڕەڤانی).
بەگوێرەی بڕیارەکە، خێرایی لێخوڕین لەو شەقامەدا لە 60 کم لە کاتژمێرێکدا، بۆ 80 کم لە کاتژمێرێکدا بەرز کراوەتەوە.
هاتوچۆی هەولێر ئاماژەی بەوەش داوە، ئەم بڕیارە لە کاتژمێر 6:00ـی ئێوارەی ئەمڕۆ سێشەممەوە 25ی تشرینی دووەمی 2025 جێبەجێ دەکرێت.
کۆمێنت (0)
تا ئێستا هیچ کۆمێنتێک نەکراوە.