ئاسایشی سلێمانی چوار تۆمەتباری دەستگیر كرد كە هەڵسابوون بە دزینی 100 هەزار دۆلار لە ماڵێكدا لە یەكێك لە پڕۆژەكانی نیشتەجێبوون لە شاری سلێمانی.
ئاسایشی سلێمانی رایگەیاند: لە رۆژی 4/10/2025 لە یەکێک لە پڕۆژەکانی نیشتەجێبوون لە شاری سلێمانی، بڕی 100 هەزار دۆلار لە ماڵێک دزرا.
راشیگەیاند: هەر دوای رووداوەكە، دەستبەجێ تیمەكان بەدواداچوونیان دەستپێکرد و لە ماوەیەكی كەمدا توانرا تۆمەتبارانی ڕووداوەکەی دەستگیر بكرێن.
ئاسایشی سلێمانی ئاماژەی بەوەش دا كە ئێستا بەبڕیاری دادوەری لێکۆڵینەوە و بە مادەی 443 لە یاسای سزادانی عێراقی، سەرجەم تۆمەتبارەكان ڕاگیراون و لێکۆڵینەوە لە دۆسیەکانیان بەردەوامە.
ڤیدیۆ: ساتی چوونی یەكێك لە تۆمەتبارەكان بۆ ماڵەكە و دزینی پارەكە و هەڵهاتنی:-
کۆمێنت (0)
تا ئێستا هیچ کۆمێنتێک نەکراوە.