وەزارەتی گواستنەوەی عێراق ئەمڕۆ یەكشەممە بەفەرمی قەدەغەكردنی یاریی منداڵانی رۆبلۆكسی لە ناوخۆی عێراق راگەیاند.
وەزارەتی گواستنەوەی عێراق لە بەیاننامەیەكدا رایگەیاند: بەمەبەستی پاراستنی ئاسایشی كۆمەڵگە و بەها پەروەردەییەكانی منداڵان و خێزان، هەروەها پاڵپشت بە بڕیاری دادگەی باڵای فیدڕالی، بڕیار لەسەر قەدەغەكردنی یاریی رۆبلۆكس لە ناوخۆی وڵات درا.
راشیگەیاند: بڕیارەكە دوای تۆژینەوەیەكی مەیدانی جێبەجێكراوە كە دەركەوتووە یارییەكە چەندان مەترسی ئەمنی و كۆمەڵایەتی و رەفتاری خراپ بەدوای خۆیدا دەهێنێت بەتایبەتیش لە منداڵان و هەرزەكاراندا، ئەمە جگە لە بڵاوبوونەوەی ساختەكارییەكی زۆر و دزینی داتا و زانیاری و هەروەها بارگرانی دارایی و حاڵەتەكانی ئالوودەبوونی منداڵان بە یارییە ئەلیكترۆنییەكان.
وەزارەتی گەیاندنی عێراق جەختیشی كردەوە كە لەگەڵ لایەنە پەیوەندارەكان لە بەدواداچوونەكانیان بۆ یاریی و ئەپڵیكەیشنە ئەلیكترۆنییەكان بەردەوام دەبن بە مەبەستی سەلامەتی بەكارهێنەران.
کۆمێنت (0)
تا ئێستا هیچ کۆمێنتێک نەکراوە.