سەرلەئێوارەی ئەمڕۆ پێنجشەممە رێككەوتن و ئاگربەستی نێوان ئیسرائیل و بزووتنەوەی حەماس لە كەرتی غەززە بەفەرمی چووە بواری جێبەجێبەكردنەوە.
بزووتنەوەی حەماس و ئیسرائیل و وڵاتانی نێوەندگیر لە كۆبوونەوەی رۆژی دووشەممە لە شەرم شێخ لەسەر ئاگربەست و راگرتنی جەنگ لە غەززە رێككەوتبوون، بەرەبەیانی ئەمڕۆ پێنجشەممەش دۆناڵد ترەمپ سەرۆكی ئەمریكا بەفەرمی رێككەوتنەكەی راگەیاندبوو.
رێككەوتنی نێوان ئیسرائیل و بزووتنەوەی حەماس چەندین خاڵ لەخۆ دەگرێت كە گرنگترینیان بریتییە لە راگەیاندنی ئاگربەست و راگرتنی راستەوخۆ جەنگ لەنێوان سوپای ئیسرائیل و بزووتنەوەی حەماس، لە بەرامبەریشدا تا رۆژی دووشەممەی هەفتەی داهاتوو سەرجەم بارمتە ئیسرائیلییەكان لە غەززە ئازاد دەكرێن.
هەر بەگوێرەی رێككەوتنەكە، بەشێك لە فەرماندە و سەركردەكانی بزووتنەوەی حەماس لەژێر چاودێری راستەوخۆی ئەمریكا و وڵاتان، غەزە جێدەهێڵن.
کۆمێنت (0)
تا ئێستا هیچ کۆمێنتێک نەکراوە.