چوار پرۆژە لە سۆران جێبەجێ دەکرێت

چوار پرۆژە لە سۆران بە گوژمەی زیاتر لە 175 ملیۆن دینار جێبەجێ دەکرێت و سەرۆکایەتیی شارەوانیی سۆرانیش دەڵێت، 15٪ـی ئەو داهاتە لەسەر سەرۆکایەتی دەبێت.

ئەمڕۆ چوارشەممە 1ـی تشرینی یەکەمی 2025، وەزارەتی شارەوانی و گەشت و گوزار بڵاوی کردەوە، بۆ دروستکردنی سێ پارک و سیستەمی ئاودێری لە سۆران، زیاتر لە 175 ملیۆن دینار تەرخان کراوە.

وەزارەتی شارەوانی دەڵێت، حکوومەتی هەرێمی کوردستان بڕی 275 ملیۆن و 330 هەزار و 250 دیناری تەرخان کردووە بۆ جێبەجێکردنی پرۆژەکانی سنووری سۆران و هاوکات سەرۆکایەتیی شارەوانیی سۆرانیش رێژەی 15٪ ـی داهاتەکە دابین دەکات.

گوژمە و پڕۆژەكان:

1- خەرجكردنی گوژمەی (75،586،750)دینار، بۆ دروستكردنی پاركێک لە گەڕەكی كۆڕەک لە سۆران.

2- خەرجكردنی گوژمەی (82،758،500)دینار، بۆ دروستكردنی پاركێک لە گەڕەكی سەروچاوە لە سۆران.

3- خەرجكردنی گوژمەی (76،718،000)دینار، بۆ دروستكردنی پاركێک لە گەڕەكی قەندیل لە سۆران.

4- خەرجكردنی گوژمەی (40،267،000)دینار، بۆ جێبەجێكردنی پڕۆژەی دانانی سیستەمی ئاودێری بۆ چەند شوێنێكی