ئیمانوێل ماكڕۆن سەرۆكی فرەنسا ئەمڕۆ دووشەممە بەفەرمی دانپێدانانی وڵاتەكەی بە دەوڵەتی فەڵەستین راگەیاند.
ماكڕۆن لە كۆنگرەیەكی رۆژنامەوانیدا لە نیۆیۆڕك لە وڵاتی ئەمەریكا رایگەیاند: بەڵێنی دامەزراندنی دەوڵەتی فەڵەستین هێشتا جێبەجێ نەكراوە، ئێستا كاتی ئەوەیە فرەنسا بەفەرمی دان بە دەوڵەتی فەڵەستین بنێت.
ئەمە لەكاتێكدایە كە دوێنێ یەكشەممە هەریەك لە وڵاتانی بەریتانیا و ئوسترالیا و كەنەدا بەفەرمی دانیان بە دەوڵەتی فەڵەستین دانابوو.
لەبەرامبەریشدا بنیامین نەتانیاهۆ سەرۆك وەزیرانی ئیسرائیل دانپێدانانی هەرسێ وڵاتەكەی بە دەوڵەتی فەڵەستین رەت كردبووەوە و جەختیشی كردبووەوە كە بەهیچ شێوەیەك رێگە بە دروستكردنی دەوڵەتێك بەناوی فەڵەستین نادەن.
لای خۆشییەوە وەزارەتی دەرەوەی ئیسرائیل وەڵامی هەرسێ وڵاتەكەی دابووەوە و رایگەیاندبوو: بەم بڕیارە ناسەقامگیری لە ناوچەكە زیاتر دەكەن.
کۆمێنت (0)
تا ئێستا هیچ کۆمێنتێک نەکراوە.