وەزارەتی ناوخۆی عێراق ئەمڕۆ پێنجشەممە رەتی كردەوە لەسەر سنوور هیچ پێشێلكارییەك روویدابێت و هێزێكی سەربازی وڵاتەكەی چووبێتە ناو خاكی سووریاوە.
لە راگەیەنراوێكی وەزارەتی ناوخۆی عێراقدا هاتووە: لە بەشێك لە تۆڕەكانی كۆمەڵایەتی ڤیدیۆی چوونی هێزێكی سەربازیی عێراق بڵاوكراوەتەوە كە چوونەتە ناو خاكی سووریاوە و دواتریش گەڕاونەتەوە ناو سنووری عێراق.
هەروەها هاتووە: ئەم ڤیدیۆ و دەنگۆیانە دوورن لە راستییەوە، بەپێچەوانەوە هیچ پێشێلكارییەك لەلایەن سوپای عێراقەوە لەسەر سنووری سووریا رووی نەداوە.
وەزارەتی ناوخۆی عێراق راشیگەیاند: سنوورەكانی نێوان عێراق و سووریا لەلایەن هێزەكانی پاراستنی سنوور سەر بە وەزارەتی ناوخۆ بەردەوام پارێزراوە. جەختیشی كردەوە كە هەر جوولەیەكی هێزەكان ئەنجامبدرێت بەگوێرەی رێنماییەكان و تەنیا لە ناوخۆی خاكی عێراقەوە دەكرێت.
کۆمێنت (0)
تا ئێستا هیچ کۆمێنتێک نەکراوە.