وەزارەتی ناوخۆی هەرێمی كوردستان بڕیارێك بۆ بەرژەوەندیی هاووڵاتییان لە شارۆچكەكانی مەخموور و قەراج دەركردووە سەبارەت بە مامەڵەی دەرهێنانی كارتی نیشتمانی.
رائید ئاكۆ عەزیز بەڕێوەبەری فەرمانگەی كارتی نیشتمانی قەراج بە (كوردستان تیڤی) راگەیاند: بە بڕیاری وەزارەتی ناوخۆی هەرێمی كوردستان و بە مەبەستی ئاسانكاری هاووڵاتییان، لە سبەی دووشەممەوە تۆماری خێزانی و سیستەمی باركۆد بۆ مامەڵەی دەرهێنانی كارتی نیشتمانی لە هەردوو پارێزگای نەینەوا و كەركووك دەگەڕێنرێنەوە بۆ فەرمانگەكانی كارتی نیشتمانی لە مەخموور و قەراج.
راشیگەیاند: بەمەش لە سبەینێوە هاووڵاتییان سنووری مەخموور و شارەدێكان لە كاری تۆماری خیزانی و سیستەمی باركۆددا هیچ پەیوەندییەكیان بە هەردوو پارێزگای نەینەوا و كەركووك نامێنێت.
بەڕێوەبەری فەرمانگەی كارتی نیشتمانی قەراج ئاماژەی بەوەش دا كە بۆ لەمەودوا هاووڵاتییان لە ماوەی یەك تا دوو رۆژ مامەڵەكانیان لە كارتی نیشتمانی بۆ تەواو دەكرێت و دەیاندرێتەوە، بە پێچەوانەی پێشووتر كە ماوەی زیاتر لە 8 رۆژی دەخایاند.
مەخموور / كارزان كاكل
کۆمێنت (0)
تا ئێستا هیچ کۆمێنتێک نەکراوە.