ئەمڕۆ پێنجشەممە مەسرور بارزانى سهرۆكى حکوومەتی ههرێمى كوردستان پێشوازی له سهعيد مبارك ئهلهاجرى وهزيرى دهوڵهت و نێردهى تايبهتى ئيماڕات بۆ كاروبارى ئابوورى بۆ ههرێمى كوردستان و شاندێكى ياوهرى كرد.
سەرۆکی حکوومەت وێڕای بەخێرهێنانی شاندەکە، ئاماژەی بە گرنگیی پەیوەندیی دۆستانە و تایبەتیی نێوان هەرێمی کوردستان و دەوڵەتی ئیماڕات کرد و سوپاسیی شێخ محەمەد بن زاید سەرۆکی ئیماڕاتی کرد بۆ پشتیوانیی و هاریکاریکردنی هەرێمی کوردستان و دهستنيشانكردنى نێردهيهكى تايبهتى ئيماڕاتى بۆ كاروبارى ئابوورى بۆ ههرێمى كوردستان کە نیشانەی گرنگیی و بەهێزیی پەیوەندیی دوولایەنەیە.
سەرۆکی حکوومەت هەروەها سڵاو و ڕێزی خۆی بۆ شێخ محەمەد بن ڕاشد جێگری سەرۆکی ئیماڕات بە شاندەکە گەیاند.
سەعید ئەلهاجری خواستی وڵاتەکەی بۆ پەرەپێدانی زیاتری پەیوەندییەکان لەگەڵ هەرێمی کوردستان لە هەموو بوارەکاندا دەربڕی و ئاماژەی بەوە دا کە هەرێمی کوردستان پێگەیەکی گرنگ و تایبەتیی لای سەرکردایەتیی ئیماڕات هەیە و جەختیشی کردەوە کە دەرفەتی زۆر بۆ بەهێزترکردنی پەیوەندیی دوولایەنە لە بوارە جۆراوجۆرەکاندا هەیە.
کۆمێنت (0)
تا ئێستا هیچ کۆمێنتێک نەکراوە.