کارکردن لە پرۆژەی کۆڕنیشی شیلادزێ لە ئامێدی بەردەوامە. ئێستا زیاتر لە نیوەی پڕۆژەکە جێبەجێ کراوە و بڕیارە لە ماوەی 610 ڕۆژدا تەواو بکرێت.
ڕۆژی 6ـی ئەیلوولی 2025، فەرمانگەی میدیا و زانیاریی حکوومەتی هەرێمی کوردستان ڕایگەیاند پڕۆژەی کۆڕنیشی شیلادزێ لە ئامێدی کە بە گوژمەی زیاتر لە 4 ملیار دینار جێبەجێ دەکرێت و درێژییەکەی کیلۆمەترێکە، بەرەو تەواوبوونە و ئێستا 65% ی کارەکانی تەواو بووە. بڕیاریشە لە ماوەی 610 ڕۆژدا تەواو بکرێت.
پڕۆژەی کۆڕنیشی شیلادزێ لە بەنداو، خواردنگە، کافتریا، نافوورە، شوێنی خزمەتگوزاری، یاریگەی منداڵان، باخچە و ڕووناکی پێک دێت و یەکێکە لە دەیان پرۆژەی گەشتیاریی کابینەی نۆیەمی حکوومەتی هەرێمی کوردستان، بۆ بووژاندنەوەی کەرتی گەشتیاری و فرەچەشنکردنی داهات.
کۆمێنت (0)
تا ئێستا هیچ کۆمێنتێک نەکراوە.