ئەمڕۆ چوارشەممە 3/9/2025 لەسەر راسپاردەو پشتگیریى مەسرور بارزانى سەرۆکى حکوومەتى هەرێمى کوردستان رێکارەکانى گەڕانەوەى 25 گەنج بۆ هەرێمى کوردستان تەواوکراون و پاسپۆرت و تیکتى گەڕانەوەیان بۆ دابین کرا.
ئهمڕۆ چوارشهممه 3-9، فهرمانگهی پهیوهندییهكانی دهرهوهی حكوومهتی ههرێمی كوردستان بڵاویكردووهتهوه: بە هاوکارى و هەماهەنگى نێوان باڵیۆزخانەی عێراق لە لیبیا و فەرمانگەى پەیوەندییەکانى دەرەوەى حکوومەتى هەرێم توانرا سۆراغى 25 گەنجی هەرێمی کوردستان لەو وڵاتە بکرێت و ئازاد بکرێن.
دواى ئازادبوونیان گەنجەکان لەرێگەى ڤیدیۆ کۆڵ راستەوخۆ لەگەڵ بەرپرسی پەیوەندییەکانی دەرەوە دووان و سوپاسی بەرپرسی فەرمانگەو حکوومەتی هەرێمیان کرد کە لەخەمی هاووڵاتیی خۆیان بوونه و توانیوویانه دەربازیان بکەن.
لای خۆیهوه، سەفین موحسین دزەیی خۆشحاڵی خۆی نیشاندا کە تەواوی گەنجەکان سەلامەتن و سوپاسی دکتۆر ئەحمەد ئەلسەحاف هەڵسوڕێنەری کاروباری باڵیۆزخانەی عیراقی لە تەڕابلوس کرد کە هەمیشە هاوکار بووە لەگەڵ فەرمانگەی پەیوەندییەکانی دەرەوە بۆ ئەم جۆرە پرسانە.
فهرمانگهی پهیوهندیهكانی دهرهوه ئاشكراشی كردووه: بڕیارە ئهو 25 گهنجه لە بهرواری 10ى ئەم مانگە بگەڕێنەوە هەرێمى کوردستان.
فهرمانگهی پهیوهندییهكانی دهرهوه دهشڵێت: لە مانگى رابردووش بە هەماهەنگی نێوان فەرمانگەی پەیوەندییەکانی دەرەوەو باڵیۆزخانەی عیراق لە لیبیا، توانرا 6 گەنج لە بەندیخانەکانی ئەو وڵاتە ئازاد بکرێن و بگەڕێنرێنەوە هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.