لە سبەیەوە پلەكانی گەرما نزم دەبنەوە

پێشبینی دەكرێت لە سبەی چوارشەممەوە پلەكانی گەرما له‌ هه‌رێمی كوردستان چەند پلەیەك دابەزن و كەشوهەوا بەراورد بە رۆژانی رابردوو كەمێك فێنكتر بێت.

ئاراس جەبار شارەزای كەشناسی دەڵێت: لە ئەنجامی ھاتنی ھەوایەکی فێنک لە دەریای ناوەراستەوە، پێشبینی دەكرێت سبەی چوارشەممە لە سەرجەم ناوچەکانی هەرێمی كوردستان پلەکانی گەرما نزم ببنەوە.

دەشڵێت: سبەی پلەكانی گەرما 2 تا 4 پلە نزمتر ده‌بێت بەراورد بە ئەمڕۆ سێشەممە.

شارەزاكەی كەشناسی ئاماژەی بەوەش دا كە بۆ سبەی چوارشەممە لە هەندێك لە ناوچەكان ئەگەری خۆڵبارینی کەم هەیە بەتایبەت لە کاتەکانی شەودا .

بەرزترین پلەی گەرمی پێشبینیکراو بۆ سبەی چوارشەممە بەمشێوەی خوارەوەیە:-

ھەولێر: 39 پلە

سلێمانی: 38 پلە

دھۆک: 40 پلە

ھەڵەبجە: 39 پلە

کەرکووک: 41 پلە

ئیدارەی گەرمیان: 42 پلە

ئیدارەی راپەرین: 40 پلە

ئیدارەی سۆران: 39 پلە

ئیدارەی زاخۆ: 39 پلە