ئەمشەو چوارشەممە فڕۆكەكانی ئیسڕائیل هێرشێكی ئاسمانییان كردە سەر سەربازگەیەك لە سووریا، بەپێی زانیارییە سەرەتاییەكان قوربانی هەیە.
پەیامنێری (كوردستان تیڤی) لە سووریا پێی راگەیاندین: ئەمشەو لەلایەن چەند فڕۆكەیەكی ئیسڕائیلییەوە هێرشكرایە سەر سەربازگەیەك لە گەڕەكی كسوە لە باشووری دیمەشقی پایتەختی سووریا.
راشیگەیاند: ئۆتۆمبێلی فریاگوزاری بەرەو شوێنی بۆردومانەكە چوونە و بەگوێرەی زانیارییە سەرەتاییەكان كوژراو و بریندار هەیە.
روانگەی سووریا بۆ مافەكانی مرۆڤ، لەبارەی هێرشەكان رایگەیاند: سێ فڕۆكەی سەربازیی ئیسڕائیلی سەربازگەیەكی سوپای پێشووی سووریایان بۆردومان كردووە.
ڤیدیۆ: ساتی هێرشی فڕۆكەكانی ئیسڕائیل بۆ سەر دیمەشق:-
کۆمێنت (0)
تا ئێستا هیچ کۆمێنتێک نەکراوە.