سوپای ئیسڕائیل رایگەیاند، سەرلەئێوارەی ئەمڕۆ یەكشەممە بنكەیەكی سەربازییان لەنێو كۆشكی سەرۆكایەتی یەمەن لە شاری سەنعای پایتەخت بۆردومان كردووە.
میدیاكانی یەمەن بڵاویان كردەوە: لە ڕێگەی چەند مووشەك و درۆنێكەوە هێرشكراوەتە سەر سەنعای پایتەختی یەمەن و دووكەڵ لە چەند شوێنێك بەرزبووەتەوە.
لەبارەی هێرشەكان، سوپای ئیسڕائیل رایگەیاند: بنكەیەكی سەربازیمان لەنێو كۆشكی سەرۆكایەتی یەمەن لە سەنعا بۆردومان كردووە.
راشیگەیاندووە: لەگەڵ بۆدومانەكان، مۆلیدەیەكی كارەبا و كۆگەیەكی هەڵگرتنی سووتەمەنیش بۆردومان كراون.
سوپای ئیسڕائیل جەختیشی كردەوە كە بۆردومانەكانیان بۆ سەر حوسییەكانی یەمەن بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.