وەزارەتی گواستنەوەی و گەیاندن ڕایگەیاند لەسەر داوای وەزارەتی پەروەردە لە ڕۆژانی تاقیکردنەوەی خولی دووەمی قوتابخانەکاندا هێڵەکانی ئەنتەرنێت و و هەموو جۆرە نامەیەکی MMS ڕادەگیرێت.
وەزارەتی گواستنەوەی و گەیاندن لە ڕاگەیاندراوێکدا هاووڵاتییانی ئاگادار کردووەتەوە وەزارەتی پەروەردەی حکوومەتی هەرێمی کوردستان بە نووسراوی فەرمی داوای لە وەزارەتی گواستنەوە و گەیاندن کردوووە، لەبەر بەرژوەندیی گشتی و ڕێگری لە دیاردەی گزیکردن لە تاقیکردنەوەکانی خولی دووەم، هێڵەکانی ئەنتەرنێت و هەموو جۆرە نامەیەکی MMS ڕابگیرێت.
بە پێی ڕاگەیاندراوەکە، تاقیکردنەوەکان لە ڕۆژی شەممە 23ـی ئابی 2025 دەست پێ دەکات و ڕۆژێک نا ڕۆژێک تا 8ـی ئەیلوولی 2025 بەردەوام دەبێت.
وەزارەتی گواستنەوە و گەیاندن ئاماژەی بەوەش کردووە تەنیا لە ڕۆژانی تاقیکردنەوەکان، لە کاتژمێر 6:30ی بەیانی تا کاتژمێر 7:45ی بەیانی، هێڵەکانی ئەنتەرنێت و هەموو جۆرە نامەیەکی MMS ڕادەگیرێت. ئەو شوێنانەش کە دیاری کراون و پێویستە لە هەموو حاڵەتێکدا ئەنتەرنێتیان هەبێت، بە هەمان میکانیزمی پێشوو ئەنتەرنێتیان بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.