ئەمڕۆ هەینی 22ـی ئابی 2025، نووسینگەی سەرۆکی حکوومەتی هەرێمی کوردستان ڕاگەیەندراوێکی بڵاوکردەوە و تێیدا ئاشکرای کرد کە هێرشی شەوی ڕابردووی سەر گەڕەکی لالەزار لە سلێمانی لەلایەن هێزەکانی یەکێتیی نیشتمانیی کوردستانەوە ئەنجامدراوە و کێشەیەکی نێوان ئەو حزبە و بەرەی گەل بووە.
لە ڕاگەیەندراوەکەدا هاتووە کە سەرۆکایەتی حکوومەتی هەرێم تا دوا ساتەکانی گەمارۆدان و پەلاماردان ئاگاداری ئەو هێرشە نەبووە.
هەروەها ئاماژە بەوەشکراوە کە سەرەڕای هەوڵە زۆرەکانی سەرۆکی حکوومەت بۆ ڕێگریکردن لە ڕوودانی شەڕ و پێکدادان، بەداخەوە هێرشەکە ئەنجامدراوە و کوژراو و برینداری لێکەوتووەتەوە.
نووسینگەی سەرۆکی حکومەت نیگەرانی و دڵگرانیی خۆی بەو ڕووداوە دەربڕیوە و جەختی لەوە کردووەتەوە کە "پێویستە یاسا ببێتە جێگرەوەی بڕیاری حزبی و توندوتیژی و چیتر شەڕ و ئاژاوە، سەقامگیری هەرێمی کوردستان نەخاتە مەترسییەوە."
کۆمێنت (0)
تا ئێستا هیچ کۆمێنتێک نەکراوە.