دوای نیوەڕۆی ئەمڕۆ سێشەممە بوومەلەرزەیەك لە سنووری پارێزگای بوشەهر لە باشووری رۆژئاوای ئێران رووی دا، بەڵام بوومەلەرزەكە كاریگەری بۆ سەر بنكە ئەتۆمییەكانی پارێزگاكە نەبووە.
بەگوێرەی زانیارییەكانی ئاژانسی (میهر)، چەقی بوومەلەرزەكە لە شارۆچكەی دەشتی لە سنووری پارێزگای بوشەهر بووە.
بوومەلەرزەكە لە كاتژمێر 2:13 خولەكی دوای نیوەڕۆ روویداوە و هێزەكەشی 4.1 پلە بووە بە ئامێری پێوانەیی رێختەر.
بەگوێرەی ئاژانسەكە، بوومەلەرزەكە هیچ زیانێكی بۆ بنكە ئەتۆمییەكانی سنووری پارێزگای بوشەهر نەبووە كە یەكێكە لە گەورەترین بنكە ئەتۆمییەكانی ئێران.
بەهەمانشێوە تا ئێستا هیچ زیانێكی گیانی و مادی لە ئەنجامی بوومەلەرزەكە لە سنووری پارێزگاكە تۆمار نەكراوە.
کۆمێنت (0)
تا ئێستا هیچ کۆمێنتێک نەکراوە.