سێ جووتیاری کوردی پارێزگای کەرکووک، بە هۆی کێشەی زەوی لەسەر سکاڵای عەرەبی هاوردە، دادگایی دەکرێن و جێگری سەرۆکی ئەنجوومەنی نوێنەرانی عێراق دەڵێ ناهێڵن زەویی و زاری جووتیارانی کورد لەلایەن عەرەبەکانەوە داگیر بکرێت.
ئەمرۆ یەکشەممە 10ـی ئابی 2025، دکتۆر شاخەوان عەبدوڵڵا جێگری سەرۆکی ئەنجومەنی نوێنەرانی عێراق لەگەڵ جووتیارانی کورد و تورکمانی تۆپزاوا کۆبووەوە و لە کۆبوونەوەکە دڵنیایی دا بەهیچ شێوەیەک نوێنەرانی کورد و حکوومەتی هەرێمی کوردستان رێگا نادەن زەوی و زاری جووتیارانی کورد داگیر بکرێت.
دکتۆر شاخەوان عەبدوڵڵا ئاشکرای کرد، لەگەڵ سەرۆکوەزیرانی عیراق گفتوگۆی کردووە و نووسراوێکی فەرمیی پێشکەش کردووە بۆ راگرتنی داگیرکاری لەسەر زەویی و زاری جووتیارانی کورد.
هەر ئەمڕۆ سێ جووتیاری کورد سەر بە گوندەکانی "شەناغە و سەربەشاخ"ی سەر بەناحیەی سەرگەڕان، لەلایەن دادگای دووبزەوە داوا کراون بۆ دانیشتن لەسەر سکاڵای عەرەبە هاوردەکان.
جوتیارە کوردەکان زیاتر لە 30 هەزار دۆنم زەوییان هەیە و عەرەبی هاوردە وەبەرهێنانی کەرکووک و هێزەکانی عێراق دەیانەوێت داگیری بکەن.
کۆمێنت (0)
تا ئێستا هیچ کۆمێنتێک نەکراوە.