وەزارەتی پەروەردەی حکوومەتی هەرێمی کوردستان دوا وادەی تۆمارکردنی ناوی منداڵان لە باخچە و قوتابخانە حکوومییەکانی ڕاگەیاند و جەختیشی کردووەتەوە وادەکە درێژ ناکرێتەوە.
ڕۆژی یەکشەممە 10ـی ئابی 2025، وەزارەتی پەروەردەی هەرێمی کوردستان ڕایگەیاند: "ڕۆژی چوارشەممە ٢٠ ی ٨ ی ٢٠٢٥ دوا وادەیە بۆ تۆماری منداڵەکەت لە باخچە و قوتابخانە حکومییەکان".
جەختیشی کردووەتەوە تۆمارکردنی ناوی منداڵان لە دوای ئەو وادەیە درێژ ناکرێتەوە، چونکە ناوەندەکانی خوێندن کار لە سەر رێکخستنەوەی میلاکی مامۆستایان و تۆمارکردنی قوتابییان لە سیستمی ئی - پەروەردە دەکەن و هۆبەکانی خوێندن جیا دەکەنەوە. وەزارەتی پەروەردە داوای لە بنەماڵەکان کردووە هاوکاریان بن و تا ڕێککەوتی ٢٠ ی ٨ منداڵەکانیان لە باخچە و قوتابخانە حکومییەکان تۆمار بکەن.
کۆمێنت (0)
تا ئێستا هیچ کۆمێنتێک نەکراوە.