لە سلێمانی حەوت دەرۆزەکەر دەستگیرکران و پۆلیسی ئەم شارەش دەڵێت، هەڵمەتی دەستگیركردنی دەرۆزەکەرەکان بەردەوام دەبێت.
ڕۆژی پێنجشەممە 7ـی ئابی 2025، بەڕێوەبەرایەتیی پۆلیسی سلێمانی بڵاوی کردەوە، حەوت دەرۆزەکەر لەسەر رێگای عەربەت – سلێمانی دەستگیر کراون.
لە ڕاگەیاندراوەکەی پۆلیسی سلێمانیدا هاتووە: "بەشی نەهێشتنی تاوانی سلێمانی لە رێگەی مەفرەزەکانیانەوە بەناو شار و دەرێی شاردا دەگەڕان بۆ نەهێشتنی دیاردەی دەرۆزەکردن، دەرئەنجام توانیان حەوت کەس دەستگیر بکەن".
ئاماژە بەوەش کراوە دەرۆزەکەرەکان بە بڕیاری دادوەر ڕاگیراون و پەڕاوی لێكۆڵینەوەیان بۆ كراوەتەوە .
بەرێوبەرایەتیی پۆلیسی سلێمانی دەڵێت، "هەڵمەتی دەستگیركردنی ئەو كەسانەی كاری دەرۆزەكردن دەكەن بەردەوام دەبێت و دەرۆزەكەران دەستگیردەكرێن و ڕووبەڕووی یاسا دەكرێنەوە".
کۆمێنت (0)
تا ئێستا هیچ کۆمێنتێک نەکراوە.