رووداوێکی هاتوچۆ لە راپەڕین روویدا و بە هۆیەوە کەسێک گیانی لەدەست دا و سێ کەسی دیکەش بریندار بوون.
ئەمڕۆ یەکشەممە 3ـی ئابی 2025، عەلی عەبدوڵڵا ئیسماعیل گوتەبێژی هاتوچۆی ڕاپەڕین بە "خدر رەزگەی" پەیامنێری "کوردستان تیڤی"ی ڕاگەیاند: لە ئەنجامی پێکدادانی ئۆتۆمبیلێک و بارهەڵگرێك هاووڵاتییەک گیانی لەدەست دا.
گوتەبێژی هاتوچۆی راپەڕین دەڵێت، رووداوەکە لەسەر ڕێگای شارەدێی سەروچاوە و کۆمەڵگای شکارتە لە دەڤەری راپەرین روویداوە.
عەلی عەبدوڵڵا گوتی، لە ئەنجامی ئەم پێکدادانە هاووڵاتییەک گیانی لەدەست داوە و سێ کەسی دیکەش بە سەختی بریندابوون و رەوانەی نەخۆشخانە کراون.
کۆمێنت (0)
تا ئێستا هیچ کۆمێنتێک نەکراوە.