وەزارەتی گواستنەوەی عێراق ئاشكرای دەكات، بۆ ئەمساڵ سێ فڕۆكەخانەی نوێ لە عێراق دەكرێنەوە، هەروەها فڕۆكەخانەی بەغداش بەشێوەیەكی مۆدێرن نۆژەن دەكرێتەوە.
مەیسەم سافی گوتەبێژی وزارەتی گواستنەوەی عێراق رایگەیاند: حكوومەتی عێراق پلانێكی ستراتیژیی گرینگی بۆ پێشخستنی كەرتی فڕۆكەوانی مەدەنی داڕشتووە، لەنێویشیاندا دروستكردنی چەندین فڕۆكەخانەی نوێ لە پارێزگاكان هەن.
راشیگەیاند: ئەمساڵ سێ فڕۆكەخانەی نێودەوڵەتی نوێ لە عێراق دەكرێنەوە كە ئەوانیش بریتین لە فڕۆكەخانەكانی مووسڵ، كەربەلا و ناسڕییە.
گوتەبێژی وەزارەتی گواستنەوەی عێراق ئاماژەی بەوەش دا: ئێستا كاری نۆژەنكردنەوە لە فڕۆكەخانەی نێودەوڵەتی بەغدا دەكرێت و ئێستا 26 پڕۆژەی نوێ لە فڕۆكەخانەكە لە جێبەجێكردندان.
کۆمێنت (0)
تا ئێستا هیچ کۆمێنتێک نەکراوە.