دادگای شۆڕشی پارێزگای کرماشان دەڵێت، 115 کەس لەو پارێزگایە بە تۆمەتی تێکدانی ئاسایش دەستگیر کران و سیخوڕێکی بە ڕەگەز ئەوروپی لەناو گیراوەکاندایە.
ڕۆژی سێشەممە 24ـی حوزەیران، ئاژانسی هەواڵی تەسنیم لە زاری حەمیدڕەزا کەریمی، سەرۆکی دادگای شۆڕشی کرماشان بڵاوی کردووەتەوە: "دەزگا ئەمنییەکان لە سەرەتای هێرشەکانی ئیسرائیلەوە ژمارەیەک کەسیان دەستنیشان کرد لە دژی کۆماری ئیسلامی بانگەشەیان دەکرد."
حەمیدڕەزا کەریمی دەڵێت: "بەڕێوەبەری پۆلیسی کرماشان، 115 کەسیان دەستگیر کردووە کە تاوانی جۆراوجۆریان ئەنجام داوە و لەو ژمارەیە 54 کەسیان بە دانانی بارمتە ئازاد کراون".
سەرۆکی دادگای شۆڕشی کرماشان دەشڵێت: "یەکێک لە دەستگیرکراوەکان ڕەگەزنامەی ئەوروپای هەیە و بە تۆمەتی سیخوڕیکردن دەستگیر کراوە و دۆسیەی یاسایی بۆ کراوەتەوە".
کۆمێنت (0)
تا ئێستا هیچ کۆمێنتێک نەکراوە.