ترەمپ کارمەندەکانی لە رۆژهەڵاتی ناوەراست کشاندەوە و دەڵێت دەبینن چی دەکەم، میدیا عەرەبییەکانیش دەستیان کرد بە فشارکردنە سەر ئێران بۆ ئەوەی بە زووترین کات لەگەڵ ئەمریکا بگەنە رێککەوتن.
ئەمڕۆ پێنجشەممە 12ـی حوزەیرانی 2025، ئاژانسی هەواڵی مێهر بڵاویکردەوە: دۆناڵد ترامپ سەرۆکی ئەمریکا دەڵێت "من لە هەموو کاتێک زیاتر دڵنیام لەوەی کە لە ڕۆژانی داهاتوو و بۆ هەموو نەوەکانی داهاتوو، سوپای ئەمریکا شکۆمەندی زیاد دەکات".
گوتیشی: "ئازایەتییەکی بێکۆتایی نیشان دەدەین، هەموو خاکی ئەمریکا دەپارێزین و تا دوورترین گۆشەکانی جیهان بەرگری لە ئەمریکا دەکەین".
کەناڵی جەزیرە بڵاویکردەوە لەسەر زاری سەرۆکی ئەمریکاوە : ئێمە کارمەندەکانمان لە ناوچەی ڕۆژهەڵاتی ناوەڕاست دەکشێنینەوە بۆ ئەوەی مەترسییان لەسەر نەبێت، دەبینین چی ڕوودەدات.
دۆناڵد ترەمپ جارێکیدیکە جەختی لەوە کردەوە کە ئێران نابێت چەکی ئەتۆمی بەدەست بهێنێت و بەهیچ شێوەیەک نابێت کاری لەسەر بکات.
ماوەی چەند کاتژمێرێکە بەشێک لە دەزگاکانی ڕاگەیاندنی ڕۆژئاوایی و عەرەبی ئۆپراسیۆنی دەرونیی بەرفراوانیان دەستپێکردووە دژی ئێران و دەڵێن "ئەگەر ئێران مەرجەکانی ئەمریکا لە دانوستانەکاندا قبووڵ نەکات، هێرشی ئیسرائیل بۆ سەر دامەزراوە ئەتۆمییەکانی ئێران نزیکە"
کۆمێنت (0)
تا ئێستا هیچ کۆمێنتێک نەکراوە.