وەزارەتی بەرگریی رووسیا رایدەگەیەنێت، ئەمڕۆ یەكشەممە لە ماوەی تەنیا 7 كاتژمێردا 51 درۆن و فڕۆكەی بێفڕۆكەوانی سوپای ئۆكڕانیامان خستۆتە خوارەوە.
وەزارەتەكە لە راگەیەنراوێكدا بڵاوی كردەوە: هێزی بەرگریی ئاسمانی رووسیا ئەمڕۆ یەكشەممە بەرپەرچی هێرشێكی فراوانی درۆن و فڕۆكەی بێ فڕۆكەوانی ئۆكڕاینی داوەتەوە بەشێوەیەك كە لە كاتژمێر 1ی دوای نیوەڕۆی تا كاتژمێر 8ی شەو لە چەند ناوچەیەكی جیاواز 51 فڕۆكە خراونەتە خوارەوە.
بڵاویشی كردەوە: لە ناوچەی كۆرسك 23 درۆن، لە ناوچەی ئۆریۆل 12 درۆن، لە ناوچەی تۆلا 11 درۆن، لە ئاسمانی مۆسكۆی پایتەختی رووسیا 6 درۆن و لە ناوچەی كالۆگا 1 درۆن خراونەتە خوارەوە.
کۆمێنت (0)
تا ئێستا هیچ کۆمێنتێک نەکراوە.