سەرۆک بارزانی لە کۆبوونەوەیەکدا لەگەڵ بەشداربووانی خولی بیستەمی پەیمانگای پێگەیاندنی کادیرانی پارتی دیموکراتی کوردستان رایگەیاند؛ "ئەرکی کادیری پارتییە خزمەتی هەموو خەڵکی کوردستان بەبێ جیاوازی بکات و پارێزگاری لە بەها باڵاکان بکات".
رۆژی چوارشەممە 21ی ئایاری 2025، لە سەلاحەددین سەرۆک مەسعود بارزانی لەگەڵ سەرپەرشتیار و ستافی بەڕێوەبردن و مامۆستا و کادیرانی بەشدار لە خولی بیستەمی پەیمانگای پێگەیاندنی کادیرانی پارتی دیموکراتی کوردستان کۆبوویەوە.
بارەگای بارزانی بڵاویکردووەتەوە؛ "لەم کۆبوونەوەیەدا، سەرۆک بارزانی پیرۆزبایی کردنەوەی خولی نوێی پێگەیاندنی کادیرانی پارتی دیموکراتی کوردستانی ئاراستەی بەشداربووان کرد و هیوای سەرکەوتنی بۆ خواستن. هەروەها وێڕای ئاماژەدان بە وێستگە گرنگەکانی مێژوو و قوربانیدانی پارتی و ڕێبازی بارزان، جەختی لەسەر گرنگیی ڕۆڵی کادیری پارتی لە بەهێزکردنی ئینتیمای نیشتمانی و نەتەوەیی و بەهێزکردنەوەی بڕوابەخۆبوونی مرۆڤی کورد کردەوە".
هەر لەو دیدارەدا، سەرۆک بارزانی بە ئامادەبوانی کۆبوونەوەکەی ڕاگەیاند کە "ئەرکی کادیری پارتییە خزمەتی هەموو خەڵکی کوردستان بەبێ جیاوازی بکات و پارێزگاری لە بەها باڵاکان بکات"
.
لە بەشێکی دیکەی ئەو کۆبوونەوەیەدا، سەرۆک بارزانی تیشکی خستە سەر بارودۆخی سیاسیی ناوخۆی هەرێمی کوردستان و عێراق و دوا گۆڕانکارییەکانی ناوچەکە بە گشتی، لەم بارەیەوە ئامۆژگاری و رێنوێنیی پێویستی بۆ ئامادەبووانی کۆبوونەوەکە خستەڕوو.
کۆمێنت (0)
تا ئێستا هیچ کۆمێنتێک نەکراوە.