سەرۆكی هەرێمی كوردستان پیرۆزبایی لە فرێدریك مێرز دەكات بەبۆنەی هەڵبژاردنی وەك راوێژكاری نوێی ئەڵمانیا.
نێچیرڤان بارزانی سەرۆكی هەرێمی كوردستان پەیامە پیرۆزباییەكەی لە تۆڕی كۆمەڵایەتی ئێكس بڵاوكردەوە و رایگەیاند "پیرۆزبایی لە فرێدریك مێرز دەكەم بەبۆنەی هەڵبژاردنی وەك راوێژكاری كۆماری فیدڕالی ئەڵمانیا و هیوای سەركەوتنی لەم پێگە نوێیەیدا بۆ دەخوازم".
سەرۆكی هەرێمی كوردستان هەروەها رایگەیاند "هەرێمی كوردستان بەبایەخەوە دەڕوانێتە ئەو هاوبەشییە نزیكەی لەگەڵ ئەڵمانیادا هەیەتی و چاوی لە كاری پێكەوەیی زیاترە".
فرێدریك مێرز سەرۆکی پارتی یەکێتی کریستیان دیموکراتی ئەڵمانیا، ئەمڕۆ سێشەممە بە دەنگی 325 ئەندامی پەرلەمانی ئەڵمانیا لە كۆی 630 دەنگ، بە راوێژكاری ئەڵمانیا هەڵبژێردرا.
I congratulate Friedrich Merz on his election as Chancellor of the Federal Republic of Germany. I wish him every success in his new role. The Kurdistan Region values its close partnership with Germany and looks forward to strengthening our cooperation.
— Nechirvan Barzani (@IKRPresident) May 6, 2025
کۆمێنت (0)
تا ئێستا هیچ کۆمێنتێک نەکراوە.