Erbil 31°C چوارشەممە 01 تەمووز 20:01

سبەی ئەحمەد شەرع و ماکرۆن لە پاریس کۆدەبنەوە

کوردستان TV
100%

ئیمانوێل ماکرۆن سەرۆکی فەرەنسا سبەی چوارشەممە لە کۆشکی ئێلیزێ پێشوازی لە ئەحمەد شەرع سەرۆککۆماری راگوزەری سووریا دەکات و گفتوگۆ لەبارەی سەقامگیری ناوچەکە و هەڵگرتنی سزاکانی سەر سووریا دەکەن.

ئەمرۆ سێشەممە 6ی ئایاری 2025، سەرۆکایەتی فەرەنسا ڕایگەیاند، ئیمانوێل ماکرۆن لەکۆشکی ئێلیزێ پێشوازی لە ئەحمەد شەرع دەکات و پشتیوانی فەرەنسا بۆ بنیاتنانی سوریایەکی نوێ و ئازاد و سەقامگیر دووپاتدەکاتەوە کە ڕێز لە هەموو پێکهاتەکانی کۆمەڵگەی سوریا بگرێت.

ئاماژەی بەوەشکرد، ئەم کۆبوونەوەیە دەکەوێتە چوارچێوەی پابەندبوونی مێژوویی فەرەنسا بە سورییەکان کە ئاواتەخوازن بۆ ئاشتی و دیموکراسی، جەختیشی لەوە کردەوە کە ماکرۆن داواکارییەکانی خۆی لە حکومەتی سوریا دووپاتدەکاتەوە، دیارترینیان سەقامگیری ناوچەکەیە.

لەدوای دەستبەکاربوونی دەسەڵات لە دیمەشق، سەرۆکی سووریا هەوڵی داوە وێنەیەکی دڵنیاکەرەوە بۆ کۆمەڵگەی نێودەوڵەتی بخاتەڕوو و ڕێز لە ئازادییەکان بگرێت و کەمینەکان بپارێزێت.

شەراع لە ئێستادا هەوڵ دەدات ئەو سزایانە هەڵبگرێت کە لەماوەی دەسەڵاتی بەشار ئەسەد بەسەر سووریا سەپێنرابوو.

 

رۆژهه‌ڵاتی ناوه‌راست جیهان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.