ئەمشەو دووشەممە سوپای ئیسڕائیل بۆردومانكردنی چەند بنكە و بارەگایەكی حوسییەكانی لە یەمەن راگەیاند، بەگوێرەی زانیارییەكان 21 كەس لە هێرشەكەدا بریندار بوون.
سوپای ئیسڕائیل لە راگەیەنراوێكدا بڵاوی كردەوە: ئەمشەو چەند بنكە و بارەگایەكی چەكدارانی ئەنساڕوڵای حوسییەكانمان لە ناوچەی حەدیدیە لە رۆژئاوای یەمەن بۆردومان كرد.
میدیاكانی ئیسڕائیلیش بڵاویان كردەوە: بۆردومانەكە لە رێگەی 30 فڕۆكەی جەنگی ئیسڕائیلییەوە ئەنجامدراون.
لای خۆشییانەوە میدیاكانی سەر بە ئەنساڕوڵا بڵاویان كردۆتەوە، هێرشەكە كراوەتە سەر كارگەیەكی چیمەنتۆ و لە ئەنجامدا 21 كەس بریندار بوون.
هێرشەكەی ئەمشەوی ئیسڕائیل وەك تۆڵەیەك بووە لەبەرامبەر هێرشە مووشەكییەكەی حوسییەكان بۆ سەر فڕۆكەخانەی بن گۆریۆن لە تەلئەبیب.
کۆمێنت (0)
تا ئێستا هیچ کۆمێنتێک نەکراوە.