سەرچاوەیەك لە فەرمانگەی تەندروستی كەركووك ئاشكرای كرد كە ئەمڕۆ چوارشەممە تووشبوویەكی دیكەی تای خوێنبەربوون لە پارێزگای كەركووك گیانی لەدەستداوە كە پیاوێكی پیشەی گۆشتفرۆش و قەسابە.
زیاد ئەحمەد لە فەرمانگەی تەندروستی كەركووك بە (تۆڕی میدیایی كوردستان)ی رایگەیاند: ئێوارەی ئەمڕۆ چوارشەممە تووشبوویەكی دیكەی تای خوێنبەربوون لە كەركووك گیانی لەدەستداوە.
راشیگەیاند: ئەوەی گیانی لەدەستداوە ناوی (زەكەریا قاسم) تەمەن 55 ساڵ و دانیشتووی گەڕەكی رووناكی پارێزگای كەركووكە.
هەروەها رایگەیاند: تووشبووەكە پیشەی قەساب و گۆشتفرۆش بووە و چەند رۆژێك بوو تووشی نەخۆشی تای خوێنبەربوون ببوو و لە نەخۆشخانەی گشتی كەركووك خەوێنرابوو.
سەرچاوەكەی فەرمانگەی تەندروستی كەركووك ئاشكراشی كرد كە ئێستا دوو حاڵەتی دیكەی تای خوێنبەربوون لە كەركووك ماون. جەختیشی كردەوە كە یەكێك لە تووشبووەكان بارودۆخی تەندروستی ناجێگیرە.
كەركووك / هەڵۆ جەباری
کۆمێنت (0)
تا ئێستا هیچ کۆمێنتێک نەکراوە.