ئەنەس خەتاب وەزیری ناوخۆی سووریا ئەمڕۆ چوارشەممە ئاشكرای كرد كە توانیویانە هەوڵێكی كودەتای سەربازی لە وڵاتەكەیان شكست پێ بهێنن.
وەزیری ناوخۆی سووریا رایگەیاند: كۆمەڵێك ئەفسەری رژێمی بەشار ئەسەد پلانیان داڕشتبوو بۆ ئەنجامدانی كودەتایەكی سەربازی لە دژی حكوومەتی راگوزەری سووریا.
راشیگەیاند: بە هەوڵ و توانی هێزە ئەمنییەكانی سووریا و پاڵپشتی خەڵك توانرا هەوڵەكە پووچەڵ بكرێتەوە و لەناو ببرێت.
وەزیری ناوخۆی سووریا هیچ زانیارییەكی سەبارەت بە ناسنامە و پلە و پۆست و ژمارەی ئەو ئەفسەرانە ئاشكرا نەكرد كە هەوڵی كودەتاكەیان دابوو.
جەختیشی كردەوە كە لە دەستگیركردن و راوەدوونانی كەسانی لەیاسادەرچوو بەردەوام دەبن بە ئامانجی فەراهمكردنی ئەمن و ئاسایش بۆ تەواوی سووریا.
کۆمێنت (0)
تا ئێستا هیچ کۆمێنتێک نەکراوە.