ئه‌مرۆ یه‌كشه‌ممه 6ی نیسانی 2025 وه‌زاره‌تی رۆشنبیری و لاوانی حكوومه‌تی هه‌رێمی كوردستان بڵاویكردووه‌ته‌وه ، پینجه‌مین خولی فێستیڤاڵی كه‌له‌پووری سریانی ساز ده‌كات .
له ڕاگه‌یه‌نراوه‌كه‌ی وه‌زاره‌تی ڕۆشنبیری هاتووه ، بە بۆنەی سەری ساڵی نەتەوەیی سریان، ناسراو بە "جەژنی ئەکیتۆ"، وەزارەتی رۆشنبیری و لاوانی حكوومه‌تی هه‌رێمی كوردستان، بەڕێوبەرایەتی گشتیی رۆشنبیری و هونەری سریانی پێنجەمین فێستیڤاڵی کەلەپووری سریانی ساز دەکات .
وه‌زاره‌تی رۆشنبیری راشیگه‌یاندووه ، سبەی دووشەممە 7ـی نیسانی 2025، فێستیڤاڵەکە دەست پێ دەکات و تا ڕۆژی 10ـی نیسانی 2025 بەردەوام دەبێت .
فێستیڤاڵی کەلەپووری سریانی، بە كه‌ژاوه‌ی جەماوەری دەست پێ دەکات، کە گوزارشتە لە نەریتی دێرینی سریانی و رێكردنه‌كه لە بەردەم قوتابخانەی ئامادەیی نموونەیی عەنکاوەی بەهرەداران دەست پێ دەکات تا مۆزەخانەی کەلەپووری سریانی بەرامبەر گردی شوێنەواری "قەسر" به‌رده‌وام ده‌بیت .
بریار وایه ، لە ڕۆژانی فێستیڤاڵدا چەندین چالاکی هونەری و ئەدەبی ئه‌نجام بدرێن .
کۆمێنت (0)
تا ئێستا هیچ کۆمێنتێک نەکراوە.