دۆناڵد تره‌مپ سه‌رۆكی ویلایه‌ته یه‌كگرتووه‌كانی ئه‌مه‌ریكا فرۆكه‌ی ئێف چلو حه‌وتی بۆ سوپای وڵاته‌كه‌ی زیاد كرد و رایگه‌یاند ئه‌م فرۆكه‌یه باشترین وه‌به‌رهێنانی مێژووییه له پیشه‌سازی به‌رگری سه‌ربازییدا.
دۆناڵد تره‌مپ سه‌رۆكی ئه‌مه‌ریكا له كۆنگره‌یه‌كی رۆژنامه‌وانییدا كه وه‌زیری به‌رگری ئه‌مریكا پیت هیگسیس ئاماده‌بوو رایگه‌یاند، هێزی ئاسمانی ئه‌مه‌ریكا به‌ره‌و پێشچوونی به‌رچاو به‌خۆیه‌وه ده‌بینێت به زیادبوونی ئه‌و فرۆكه سه‌ربازییه نوێیه.
گوتیشی فرۆكه‌ی ئێف چلوحه‌وت باشترین وه‌به‌رهێنانی مێژووییه له پیشه‌شازی به‌رگرییدا.
تره‌مپ ئاماژه‌ی به‌وه‌ش دا، فرۆكه‌ی شه‌ڕكه‌ری جۆری ئێف چلو حه‌وت توانای هه‌ڵگرتنی درۆنی هه‌یه، هه‌روه‌ها هۆشداری دا كه ده‌توانن له رێگه‌ی فرۆكه‌كانیانه‌وه ئاسمانی جیهان كۆنترۆڵ بكه‌ن.
گوتیشی فرۆكه‌كه ته‌وه‌ی شه‌شه‌می فرۆكه جه‌نگییه‌كانی ئه‌مریكایه، ئه‌م فرۆكه‌یه توانایه‌كی بێوێنه‌ی مانۆڕ و شه‌ڕی ئاسمانی و زه‌مینی هه‌یه.
تره‌مپ ئاماژه‌ی به‌وه‌شدا ئه‌م فڕۆكه‌یه له ماوه‌ی دوو ساڵی داهاتوودا به‌رهه‌م ده‌هێنن. دوژمنانی ئه‌مه‌ریكا خۆیشان نازانن چۆن لێیان دراوه.
کۆمێنت (0)
تا ئێستا هیچ کۆمێنتێک نەکراوە.