Erbil 25°C شەممە 05 نیسان 18:09

زانیاری لەبارەی ئەو كەسەی ئەمڕۆ لەسەر شاخێك هەڵدێرابوو

کوردستان TV
100%

زانیاری نوێی لەبارەی ئەو كەسە بڵاو كرایەوە كە ئەمڕۆ چوارشەممە لە شاخێك لە سنووری شارۆچكەی رواندز هەڵدێرابوو و بەهۆیەوە بە سەختی بریندار ببوو.

بەرگریی شارستانی سۆران لەبارەی رووداوەكە رایگەیاند: ئێوارەی ئەمڕۆ چوارشەممە ئاگادار کراینەوە بە ڕووداوێکی هەڵدێران لە خەرەندی خاڵەڕەش لە سنووری رەواندز، دوای ئاگادارکرنەوە حەوت تیم دەرچوون بۆ شوێنی رووداوکە بە مەبەستی ڕزگارکردنی هاووڵاتییەکە.

راشیگەیاند: هاووڵاتییەکە ناوی محەمەد عەلی شاکر تەمەنی 60 ساڵە و دانیشتووی گەڕەکی پاشای گەورەی شارۆچكەی ڕواندزە، بە مەبەستی کردنی گژوگیای بەهارە ڕووی لەو شوێنە سەختە كردبوو.

هەروەها رایگەیاند: هاووڵاتییەكە لە کاتی پەڕینەوەی لە یەکێک لە شوێنەکان، تووشی هەڵدێران بووە و بە سەختی زامدار بووە.

بەرگریی شارستانی سۆران ئاماژەی بەوەش دا، دوای ڕزگارکردن و هێنانەوەی هاووڵاتییەكە لەلایەن تیمەکانەوە، ڕاستەوخۆ ڕەوانەی نەخۆشخانەی فریاکەوتنی سۆران كرا بە مەبەستی وەرگرتنی چارەسەری تەندروستی.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.