پۆلیسێكی پاسەوانی سنووری لە گوندێكی سنووری شارۆچكەی خانەقین بۆمبێك پێیدا دەتەقێتەوە و بەهۆیەوە گیانلەدەست دەدات.
رووداوەكە ئێوارەی ئەمڕۆ پێنجشەممە لە گوندی ئەمین باپیر لە سنووری شارۆچكەی خانەقین كەوتەوە، كە تێیدا بۆمبێكی چێنراوی سەردەمی شەڕی عێراق - ئێران بە پۆلیسێكی پاسەوانی سنووردا تەقییەوە.
پۆلیسەكە ناوی (عیماد جەمال)ـە و خەڵكی شاری هەولێرە، سەرەتا بەهۆی تەقینەوەی بۆمبەكە بریندار دەبێت و هەردوو دەستی دەپەڕێت.
دوای مانەوەی چەند كاتژمێرێك لە نەخۆشخانە، بەداخەوە پۆلیسەكە ئەمشەو پێنجشەممە بەهۆی سەختیی برینەكەیەوە گیانی لەدەست دا.
وێنە: عیماد جەمال ئەو پۆلیسەی بەهۆی تەقینەوەی بۆمبەكە گیانی لەدەست دا:-
کۆمێنت (0)
تا ئێستا هیچ کۆمێنتێک نەکراوە.